Pagina:In gondoleta.pdf/51

Da Wikisource
Sta pagina la xe stà trascrita, ma la gà ancora da vegner rileta.
SMARA1



Dei zorni andemo in cólera
     Fra mi e la mia Nineta,
     E Amor, scandolizzandose,
     Scampa lontan da nu
5Ela, crudel e seria,
     No la vol dar più reta;
     Mi vado sperzurandoghe
     De no vardarla più!
               Pianzè, done sensibili,
               10Sul nostro mal pianzè!...

Mi el tegno el muso,2 e 'l palido
     So' viso varda in tera;
     Mi co la coa de l'ocio3
     Vardo quel che la fa....
15La ga segni de lagreme,
     La ga na trista çiera,
     Povera Nina! in gringola
     Per mi più no la va!4
               Pianzè, done sensibili,
               20Sul nostro mal pianzè!...

Ela, però, risćiandose
     De vedar se la vardo,
     La trova che insensibile
     Del tuto sta no son....

  1. smara = corruccio.
  2. tegner el muso = tener il broncio.
  3. coa de l'ocio = coda dell'occhio.
  4. in gringola per mi più no la va = non si ringalluzza più per me.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:In_gondoleta.pdf/51&oldid=60118"