Pagina:In gondoleta.pdf/31

TRADIMENTI

---

— La xe stada cussì:¹ lu me ga dito:
     «Che anzoleto! che splendidi cavei!»
     Mi go risposto: «El diga, el tira drito
     4Per la so' strada!» E lu: «Che ocioni bei!»

Po mi go dito: «Nol se toga impasso²
     Co le tose onorade» e ò slongà 'l passo

Lu, a tradimento, un baso el m'à sćiocà³
     8Mi, a tradimento, un sćiafo go molà!.... ⁴ —

---

1. la xe stada cussì = l'andò così.
2. nol se toga impasso = non si prenda libertà.
3. sćiocà = schioccato.
4. sćiafo go molà = gli lasciai andare uno schiaffo.