Pagina:In gondoleta.pdf/20

Da Wikisource
Sta pagina la xe stà trascrita, ma la gà ancora da vegner rileta.
EL SCALDIN1



Son tondo, son picolo,
     Son fato de tera;
     In mezo a le tecie2
     Son stà fabricà;
     5E quando che luçido
     Gnancora3 no gera,
     El mogio,4 el sol torido,
     Poarin,5 go provà.

Lavoro finissimo
     10Mi d'esser no credo;
     Ufizio ben umile
     Me incorzo6 d'aver:
     De piati, de cicare7
     Fradelo me vedo,
     15El mio gran artefiçe
     Xe stà un.... pignater8.

De mi se desmentega
     Per più de mezo ano
     Chi amigo carissimo
     20M'à za dito un dì;
     Ma questo xe un utile
     Piutosto che un dano,
     Perché xe più façile
     Che dura cussì.

  1. El scaldin = il caldanino.
  2. tecie = tegami.
  3. gnancora = non ancora.
  4. el mogio = il mollore.
  5. poarin = poverino.
  6. incorzo = accorgo.
  7. cicare = chicchere.
  8. pignater = pentolaio, stovigliaio.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:In_gondoleta.pdf/20&oldid=60046"