Pagina:Il vespaio stuzzicato.djvu/33

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Quanti me fà del mal soto pretesto
    De far giustizia, e palia el pensier pravo?
    E in mi condana la bruscheta? e'l travo
    100Assolve in altri, o'l lassa andar in resto?

Ofendo (verbi grazia) un, che me sforza
    Con l'insolenze, e insidie altri me tende:
    E chi morto me vuol, salva, e defende
    104Quel'altro, che a capricio usa la forza.

Mi son perseguità fin sù le stele:
    Quel se protege, e se receta in Casa:
    In facca a l'un se spua, l'altro se basa.
    108Stravaganze s'hà mai visto più bele?

Perche cussì? che vuol mai dir sto chiasso?
    Perche sto svario? Hossù l'intendo adesso.
    A tutti no' xè ugual de l'interesso
    112La misura, e de l'utile el compasso.

Se torna a conto, no' se guarda in fazza
    Al'Amigo, al Parente, o a chi se vogia.
    Le spie, se torna a conto, i Zafi, e'l Bogia
    116S'hà per amisi, e se carezza, e abrazza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Il_vespaio_stuzzicato.djvu/33&oldid=62890"