Pagina:Gallina - Le barufe in famegia, Milano, Treves, 1923.pdf/41

Sta pagina la xe stà trascrita, ma la gà ancora da vegner rileta.

SCENA X.

Detti e Rosa, poi Rosa e Carlotta.

Rosa.

Benedeta siora Carlota; Toni bondì, vecio.

Carlotta.

Cara siora Rosa, come stala, stala ben?

Toni.

Servitorsuo siora Rosa.

Rosa.

No ghe xe mal, grazie, e ela anca? E ti, no se parla za? Ma la se cava el capelo, la se meta in libertà.

Carlotta.

Sì, grazie. Ancuo xe un sòfego¹ che fa andar via i sentimenti. Per vegnir da casa a qua son tuta in tun'aqua.

Rosa.

Benedeto l'inverno, siora Carlota! Almanco se pol mòvarse, se pol far i fati sui.