Orsolina.
Vado avisar la mama che la xe vegnua.
Esce.
Emilia.
E mi vado un momentin de là. Compermesso...
Carlotta.
La se còmoda, la prego.
Emilia.
(Sta quieta che te la farò pagar salada).
Via.
SCENA IX.
Carlotta e Toni.
Toni
in collera.
Sia malegnaso! Za qualcossa ga da esserghe soto, perchè, da poco tempo in qua, la Orsolina ga cambià co' mi dal zorno ala note.
Carlotta.
Cossa gastu? Che grili te salta?
