Sta pagina la xe stà trascrita, ma la gà ancora da vegner rileta.
EL
GOFFREDO
DEL
TASSO
CANTÀ ALLA
BARCARIOLA.
CANTO PRIMO.
ARGOMENTO.
Và à Tortosa Gabriel mandao dà Dio,
Goffredo scrive à tutti, che là i vegna,
I Prencipi d'accordo hà stabilio
Che lù el Baston Generalitio tegna;
Verso Gerusalem i s'hà spartio,
Doppo però, ch'i hà fatto la rassegna;
Mà quando ghà sentio ste Mattinate
El Rè Aladin ghà tremà le Culate.
I
'Arme pietose de cantar ghò vogia,
E de Goffredo la immortal braura,
Che al fin l'hà liberà con strussia, e dogia
Del nostro bon Giesù la Sepoltura;
De mezo Mondo unito, e de quel Bogia
Missier Pluton no l'hà bù mai paura;
Dio l'hà agiutà, e i Compagni Sparpagnai
Tutti 'l gh'i hà messi insieme i dì del Dai.