Pagina:Collezione delle migliori opere scritte in dialetto veneziano 7.djvu/94

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     189Rispondo, ch'el xe un pregio anzi divin.
Vu la Memoria sè intrigà a provarla
     A l'omo necessaria, al nume, al bruto,
     192Perchè el senso comun contrario parla.
Se ai Numi eterni gh'è presente tuto,
     Se per lori no gh'è tempo passà,
     195Donca dove fondeu sto vostro agiuto?
Se el bruto da l'istinto xe guidà,
     Dove fondeu sto vostro benefizio?
     198Dove fondeu sta gran necessità?
Se l'omo xe un composto d'ogni vizio,
     Se la Memoria serve de ricordo,
     201Lu ve ne indorme de sto bel servizio.
Su questo basta. Adesso volto bordo,
     E fin col vostro dir ve vòi provare
     204Che vu istessa con mi za andè d'acordo.
El somo Giove no elo vostro pare?
     La Fantasia xe la so essenza prima,
     207Donca la Fantasia xe vostra mare;
Ma cossa serve che 'l cervel me lima
     A provar una rason tanto evidente,
     210Che a contrastarla vu perdè la stima?
Minerva, che becada la se sente,
     E che la gera un tantineto stufa,
     213Una brespa no ga da che far gnente!
La strenze i denti, la biastema e sbufa;
     Ma Giove, che a la larga el se n'à incorto,
     216El dise: Oe, seu vegnui per far barufa?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_7.djvu/94&oldid=66274"