Pagina:Collezione delle migliori opere scritte in dialetto veneziano 7.djvu/26

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Nel cuor de Pantegan primo Visir,
     A cambià i vermi de l'invidia in vipere;
     E à svegià in quel de so sorela Utìa,
     495Primaria concubina,
     Una tal furibonda gelosia,
     Che d'acordo i à zurà la mia rovina.
Un dì, che per delirio, a la presenza
     Giusto de tuti do l'Imperator
     500Meteva ai sete cieli la bravura
     Co la qual forestier, sudito, e donca
     Blitri a nativitate,
     In un'ano e in un mese
     Me gerò dotorà nel Giaponese,
     505Poh! (dise Pantegan) che maravegie!
     Marco Polo sa far altro che questo!
     Te ricordisto, Utìa, quando 'l n'à dito,
     Che volendo degnarse so Maestà
     De studiar l'italian,
     510Se in trentacinque dì soli de scola
     Nol ghe lo fa parlar megio de lu,
     Lu se contenta in bota
     Perder la testa?...
E so sorela: In trenta
     A mi 'l m'à dito (la risponde) al più.
515E ste quatro flogistiche parole
     Su l'amor proprio grasso de Mamao
     À prodoto l'efeto
     De la michia impizzada sul fogon,
     E l'à sbarà 'l decreto,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_7.djvu/26&oldid=69988"