Vari gusti ch'altri ga...
Ben... i mi no ghe n'à vari,
Noi ga quei dei fruti soli,
Ma quei tuti che provar
Pol chi à vogia de magnar.
Sì, Signori, i ghe xe tuti.
Via, ve digo, portè i fruti....
590Oh, le diga, oi minchionà?
Le ghen magna, che i xe tuti
Picolini,
Frescolini
Tondolini
I xe tuti Lugarini....
Quatro soli! Oh cospeton!
Me faressi andar in colera...
Se sti trenta no magnè,
Recordève, mi v'aviso,
600No ve vardo più in tel viso....
Anca vu, via, Comareta,
Tolè zo trenta, quaranta.
Anca ela, Siora Aneta,
Za per mi ghe ne xe ancora
Qua de fora.
Questo è un piato predileto,
Onde al cogo gh'ò ordinà,
Ch'el ghen meta dopo questi
Per mi solo una speada
610Più del dopio de quei là...
