Pagina:Collezione delle migliori opere scritte in dialetto veneziano 5.djvu/84

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Vari gusti ch'altri ga...
     Ben... i mi no ghe n'à vari,
     Noi ga quei dei fruti soli,
     Ma quei tuti che provar
     Pol chi à vogia de magnar.
     Sì, Signori, i ghe xe tuti.
     Via, ve digo, portè i fruti....
590Oh, le diga, oi minchionà?
     Le ghen magna, che i xe tuti
     Picolini,
     Frescolini
     Tondolini
     I xe tuti Lugarini....
     Quatro soli! Oh cospeton!
     Me faressi andar in colera...
     Se sti trenta no magnè,
     Recordève, mi v'aviso,
     600No ve vardo più in tel viso....
Anca vu, via, Comareta,
     Tolè zo trenta, quaranta.
     Anca ela, Siora Aneta,
     Za per mi ghe ne xe ancora
     Qua de fora.
Questo è un piato predileto,
     Onde al cogo gh'ò ordinà,
     Ch'el ghen meta dopo questi
     Per mi solo una speada
     610Più del dopio de quei là...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/84&oldid=62179"