Pagina:Collezione delle migliori opere scritte in dialetto veneziano 5.djvu/44

Da Wikisource
Sta pagina la xe stà trascrita, ma la gà ancora da vegner rileta.

     Che i consola chi li vede,
     E sì, posso dirte in fede,
     De Polenta schieta e neta
     Sti Signori se dileta.
195Ma 'l Friularo xe fenio.
     Porta, porta, caro fio;
     Vegna, vegna fiaschi a furia,
     E ogni fiasco strapienissimo,
     Che za qua no gh'è penuria
     200De sto Vin prelibatissimo.
Oh, cospeto, che miracoli!
     Mo che caro Sior Chechin!
     No la sa se ghe l'ò dito?
     Se no falo l'ò anca scrito,
     205Che son mato per sto Vin...
Varda roba! varda! varda!
     La mostarda?
     Mo che quagie! mo che tordi!
     Mo che odor! lo sente i sordi:
     210Che Polenta! co ben frita!
     La me dà proprio la vita.
     Via, Comare, destrighemola,
     Che, per diana, la lo merita...
     Ah! gavè dolor de denti?
     215Malegnazi! i xe sti venti,
     Fredo e caldo che se chiapa;
     Ma son qua co un bel remedio...
     Quelo sì, che se la slapa!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/44&oldid=55417"