LXXXV
Fra vu xe stà dove la prima volta,
Cari boscheti, vaghi montesei,
Go visto quela bionda Drezza sciolta,
4Straluser e ondizar quei bei Cavei;
Fra vu xe stà dove me xe stà tiolta
Del cuor la pase, dove zorni bei
Go fenìo de gustar, dove revolta
8Se xe ogni me alegreza in pianzistei.
Boscheti, montesei, che alora geri
L'idolo mio, che me parevi tanti
11Nii de delizie, fonti de piaceri;
Senza Nina me par, oh Dio, che tuti
Me fè rechiamo al sangiotar e ai pianti,
14E che siè deventai deformi e bruti.
