Pagina:Collezione delle migliori opere scritte in dialetto veneziano 4.djvu/56

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


XLIV


A brìa sciolta scampando sbigotìo;
     Persa la guera, el perfido Assalon;
     L'è restà incatigià (voler de Dio!)
     4Co la Coa ne le rame de un pianton.

Gioabo mo, che ghe la dava drio,
     Vedendolo restà là a picolon,
     Ghe xe andà adosso in furia, e inviperìo
     8El gh'à sbusà la panza col sponton.

A colù ghe xe stà la propria Coa
     La so morte, e a mi poco deferente
     11Nina, la morte mia sarà la toa.

Xe ugual el caso e la fatalità,
     Ma mi, e 'l posso zurar, son inocente,
     14Che Assalon se l'aveva merità.