Pagina:Collezione delle migliori opere scritte in dialetto veneziano 12.djvu/14

Da Wikisource
Sta pagina la xe stà trascrita, ma la gà ancora da vegner rileta.

    Che resta tacà ai dei,
    Come che porta de le volte el caso;
    135Per no imbratarse, Dio se guarda, el naso;
    E in ultima la finisse, o la stranua
    Per dirghe un'altra volta: Serva sua.
        Benchè ò le cotole
            Però credèmelo,
            140No conto frotole
            Ma verità;
        E se parlessimo
            Fin ancuo quindese
            No ariveressimo
            145A la metà.
Savè che go do' Pute
    Che no ze gnanca brute,
    Ma che no xe per imaginazion
    De la natura de sta zente da bon.
    150Una xe Venturina
    Che fa la Colarina,
    E che con quele benedete man
    Fa dì e note fature al Sior Piovan.
    Questa ga sempre la so' pignatèla
    155Calda, e co drento de la cola assae,
    Perchè la serve de le gran Casae;
    La ga verto botega, e drento e fora
    Ghe va volentierissima la zente
    Perchè i sa che la xe Puta prudente.
    160L'altra xe Vica, e la xe un bel seston,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/14&oldid=72116"