Pagina:Berto Barbarani, I due canzonieri, 1917.pdf/76

Da Wikisource
Sta pagina la xe stà trascrita, ma la gà ancora da vegner rileta.
II.


     La pora incinta, co i dolori a torno
e el fagoto de quela creaturina,
co la febre, l'angossa, el capo storno,
la s'à messo a frugnar1 par la cusina.

     El giorno dopo, propio a mesogiorno,
co 'na pioveta fina, fina, fina
e un vento che parava de ritorno,
i à cargado una mesa caretina...

     E via de corsa, in volta, par cercar
qualche buso distante da le piasse
par no spèndar, 'na caneva... un granar...

     Pori pitochi messi su le asse...
Dise la gente che li vede andar:
Largo, che passa un San Martin de strasse

  1. frugnar: di uno che cerca senza saper che cosa.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/76&oldid=70554"