Sta pagina la xe stà trascrita, ma la gà ancora da vegner rileta.
EL VECIO DA LA BANCHETA.
1.
Ecolo qua! A sta ora chieta, chieta
che le serve e i soldà se guarda in facia
e el grio ghe core drio a la cavaleta,
par contarghe el so amor soto la macia,
un vecio a strapegon su 'na bancheta
el se comoda a pian, che el par che el sbacia1
l'ultimo fià, spassando la piereta
col fassoleto, se de no el se macia.
C'èlo sto vecio? A dimandarghe a lu,
l'à fato tute quante le campagne
e del coraio el ghe ne avea par du;
Ma è passado i bei ani e le cucagne
e no ghe resta che pensarghe su,
come un decoto par le so magagne.
- ↑ che el sbacia: che sbadigli.