LA FASSENDA DEL COR.
El cor, leseva un giorno no so in dove,
el Signor l'à fornido de do recie:
con una el scolta le passione nove
e con quel'altra le passione vecie.
E la recia che arbina1 ste passione,
l'è un magasin de teste bionde e risse,
dove tra bone e tra cative assione,
la çesta de i ricordi se impenisse.2
Ma passa el sangue, e quelo el porta via
sti ricordi a tocheti... un anelin,
'na parola... un ritrato, una gasia,
che tegneva el so posto in magasin.
