EL CAMIN NOVO.
In çima a i copi,[1] a far la me caseta
du dei più alta, el bravo sior Tonin,
el capomastro, che sta zo in piasseta,
in t'un supioto[2] el m'à impiantà el camin.
E miga storie, el se tegneva in bon
de averme tirà su quel monumento;
l'è stà fermo du giorni sul canton,
a tegner d'ocio se'l tien bota al vento!
Ma dal resto, mi digo, che el g'à fato
co la malta missià, qualche striarìa,[3]
parchè el camin o co un colombo o un gato,
fato sta, che l'è sempre in compagnia.
