de sassi o giara,[1] in volta se spampana
soto el pestar de la cavala sana,
de pelo bianco co i macioni neri...
Pur de far presto a sbusar[2] via le sèse,[3]
disturbando le cioche[4] coi pulsini
e le putèle in mèso a la vanèse...[5]
Scavissando[6] le rame,
spaventando le mame,
che ciapa in brasso tuti i so putini,
Romeo Montecio galopando va
de paese in paese,
verso le tore de la so çità!
― E l'era par sonar l'ave Maria
e tornava le pegore a la stala
carghe[7] de lana e de malinconia!
