Pagina:Berto Barbarani, I due canzonieri, 1917.pdf/255

LA SCALA E LA LUNA.

I.

Scala de seda,
longa, sutila
furba, canaia,
che no se veda,
che no se sfila,
che no se taia,¹
che se destira
zò dal balcon,
che salta e bala
e gira e gira
come la scala
de la passion...
Ci t'ha portado
quà descondon?
Ci t'ha ligado?
Mah! – A çerti trosi
de du morosi,
che no pol più...
Me par de moda
lassar che i goda,
no dirghe su!

1. taia: taglia.