VII.
E, fato forte da sti gran tormenti
de grandessa, che in giro, eco, me mena,
se manca l'aqua, ponsarghe[1] la vena
ai monti alti e far stabilimenti,
descuèrsar[2] cave de ori e de argenti,
fin che la gente la de fusse piena,
parchè ci suda a sfadigar de schena
no g'abia da partir sui bastimenti.
E, fate çento cesoline d'oro,
dessemenade in cima a i monti e atente
a cantar gloria in punto a mesodì,
tra marmi e sede del più bel lavoro,
cassarghe drento a benedir la gente,
quela madona che me intendo mi!
