III.
E avanti un toco.1 La val se destende
longa e scura su l'Adese che core,
e, de quel passo che l'ombrìa se arende,
un sol tardivo va a sugar2 le fiore.
No gh'è palassi, parchè el sior no spende,
ma pore3 case e musi de pastore,
e boschi e sassi e sengie4 che no rende
e in meso a i boschi una canson che more...
«O barcariol, bel barcariol de Trento,
imprestème la vostra barchetina,
che la me dona vol saltarghe drento».
I fili del telegrafo, destesi,
ne acompagna, man man che se camina
insegnandose i nomi de i paesi.
