I.
«Bala che vegna!» — Minico Bardassa,
rebate el colpo che vien zò dal çiel,
e tuto quanto in giro par la piassa
cioca e se spande el son del tamburel...
San Zen l'è chieto! — Una carossa ferma
l'à pena infastidì coi forestieri;
una tromba vissina de caserma
mete un gusto de amaro a i so pensieri...
Eco un s-ciapo[1] de ròndene che passa
dessemenando dei negreti[2] in çiel...!
«Bala che vegna!» Minico Bardassa,
sbalia batuda e tase el tamburel.
