Pagina:Berto Barbarani, I due canzonieri, 1917.pdf/21

Sta pagina la xe stà trascrita, ma la gà ancora da vegner rileta.

MOLIN MOLINA.

     Guarda che luna in çiel, guarda che gnoco
tuto de argento che sta sera gh'è;
se el se rompesse e n'in cascasse un toco
propio su i piè,

                              ― Molin, molina, —
ti te deventaressi una regina,
                              e mi saria el to re!

     Vegnaria da lontan, tanti parenti
a capararse un cantonsin de tola,¹
giraressimo in meso a i complimenti
come una spola...

                              – Molin, molina –
la nostra vita no saria 'na spina,
                              ma la saria una viola...

↑ tòla: tavola, mensa.

[1] tòla: tavola, mensa.

1