Pagina:Berto Barbarani, I due canzonieri, 1917.pdf/207

Bocheta de dama,
bocheta de fraga:
mi son la to mama
mi son la to maga...

La luna camina
de drio¹ la tendina.

Che vuto² tesoro
par far che te tasi?
Te cargo³ de oro,
te cuerso⁴ de basi...

La luna se ostina
de drio la tendina...

El tato fa segno
de ridar, pò, el tase...
A lu, no ghe piase
che i tati de legno,

ma tanti e col s-ciopo
che diga: Te copo!⁵

1. de drio: di dietro
2. che vuto: che vuoi
3. te cargo: ti carico
4. te cuerso: ti copro
5. te copo: ti ammazzo.