LE RÒNDENE.
– Che vergogna! Ancora in leto?
Me sigava da l'altana
la pacifica Mariana,
che me perde de rispeto...
Sior paron: i è capitade
a le ondese sonade!
― Ci?
― Le ròndene...
– Oh, magari,
digo mi, mostrando i denti;
li credea quei me parenti
che me roba su i afari...
Se el malan no l'è che questo,
corì1 a dirghe che me vesto –
Sora un çiel de primavera
fato a nuvole e figure,
se vedea maciete scure
che filava de cariera,
se sentiva e soni e canti
come de un che el fusse in tanti....
- ↑ corì: correte.
