II.
E scominçia el miracolo...!
Nele nostre piassete,
moscardini e morete
i se guarda col cor...
E tra i giri de l'organo,
pian pianin, come in falo,
i se missia1 nel balo,
i combina l'amor...
Senti, senti che ciacole,
senti, senti che estro...
Ah, l'è un bravo maestro
pien de musica el sol...!
E la furia de l'organo
li fa andar come el vento,
fin che a un çerto momento
i se basa sul col...
- ↑ i se missia: si mescolano.
