Pagina:Berto Barbarani, I due canzonieri, 1917.pdf/143

Sta pagina la xe stà trascrita, ma la gà ancora da vegner rileta.

IV.

     I molini, che se senta
soto i oci de le stele,
voria dirsene de bele
de farina e de polenta;

     e ne l'aria, par che tasa
tuto quanto, e, a poco a poco,
gh'è le stele che dà el scroco^[1]
par serarse drento in casa...

     Vien più scuro – G'à paura,
anca i ladri a andar par strada!
C'è stà a dar 'na spenelada,
così scura, così scura?

↑ che dà el scroco: che tirano il catenaccio.

[1] che dà el scroco: che tirano il catenaccio.

[1]