Pagina:Berto Barbarani, I due canzonieri, 1917.pdf/13

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LA BOGONELA.


     La bogonela1 l'è una roba giala,
tuta piena de pocio2 molesin,
che vista da lontan, la par 'na bala,
che cora in pressia:3 ma la va a pianin...

     La ghe mete du giorni a far 'na scala
e la fà quatro tape par scalin...
– Ohe! Siora bogonela, dove vala?
– Vado par acqua... S'à impissà4 el camin...

     La me morosa, invesse, oh Dio, la core
che l'è la ferovia de casa nostra;
se ghe disì de star sentà, la more...

     Ma se g'ò da contar la verità,
la bogonela, i corni la li mostra,
e me morosa invesse la li fà!

  1. bogonela: chiocciola
  2. pocio: umore
  3. in pressia: in fretta
  4. s'à impissà: si è incendiato.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/13&oldid=70371"