Pagina:Berto Barbarani, I due canzonieri, 1917.pdf/123

Sta pagina la xe stà trascrita, ma la gà ancora da vegner rileta.

IV.

Torna el sol nel boscheto
e va l'usertolina
in cerca de un bisseto...
La nostra fregolina.

fermandose al fosseto,
co i dei de la manina
la se fa su un risseto...
La gran bela matina!

E i putei, che la vede,
e la pastora bona
dal cor coto de fede,

ciciolandose in recia,¹
i dise: la madona
l'è drio che la se specia!

↑ ciciolandose in recia: cinguettandosi nelle orecchie.

[1] ciciolandose in recia: cinguettandosi nelle orecchie.

1