Sta pagina la xe stà trascrita, ma la gà ancora da vegner rileta.
LA SIORETA PERSA NEL BOSCO.
I.
– La gran bela matina!
Davanti a sto museto,
da l'aria birichina,
che frugna nel boscheto
come 'na usertolina
in çerca de un bisseto,
i albari i se inchina
dal gran che i g'à rispeto...
E i putei che la vede,
e la pastora bona
dal cor lustro de fede,
sconti de drio 'na sesa
i dise: la madona,
l'è scapà via da ciesa!