FRU FRU RABIOSA.
Se vien che palpa el cucugnel[1] che monta
su i cavei d'oro de la me Fru fru,
eco, che trovo una forcheta[2] sconta,
che salta fora co la ponta in su.
Se la ciapo a la vita, eco, le ongiete
le me se pianta fonde ne le man;
se la baso sul col, la me se mete
a sigar, che i la sente un mïo lontan.
Se ghe parlo pulito, ogni momento,
'sta maledeta la me salta su....
Ela na rassa de temperamento!...
― C'èlo che vol sposar la me Fru fru?
