Pagina:Annali veneti (Malipiero) 1.djvu/253

Da Wikisource
Sta pagina la xe stà trascrita, ma la gà ancora da vegner rileta.
ANNALI VENETI

DI

DOMENICO MALIPIERO


PARTE SECONDA


DELLE GUERRE D'ITALIA E DI ALTRI NEGOZI ESTERNI.


Quest'anno, Alfonso d'Aragona Re de Napoli, e Francesco Sforza Duca de Milan era in ligha con la Signoria, insieme con la Communità de Fiorenza; e Nicolò Sagondino, Secretario a Napoli, scrisse che 'l conte Giacomo Picinino e 'l conte d'Urbin era acordai con quel Re, e havea habudo danari per intertegnir le so gente, e dovea andar de suo ordine a' danni de Sigismondo Malatesta da Rimini, per refarse de 28,000 ducati che 'l dice dover haver: e che il manda 30 galie e una nave grossa contra Genoesi, i quali ha 18 galie armate, e ne arma altre sie, e cinque navi grosse con ogni celerità, per poderse difender da lui; el qual ha destinà un so Ambassador a i potentadi della ligha per giustificarse de questa impresa.

Drio questo aviso da Napoli, è giunto un Secretario del Malatesta, el qual suplica la Signorìa in so nome, che ghe concieda 'l Conte Carlo da Braccio, o almanco che la el lassi su 'l territorio di Ravena; che la ghe manda un nobile per tegnir in officio i so popoli, e per valerse del so consiglio; che la ghe lassa trarre due navilii de sal, e quella quantità de mulinelli

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Annali_veneti_(Malipiero)_1.djvu/253&oldid=61725"