Nina te parlo candido
|
Edission original: |
Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822 |
|
Fonte: |
Indice:Poesie edite ed inedite de Lodovico Pastò venezian.djvu |
| Edission e fonte ▼ |
Nina, te parlo candido,
Me bisega un tantin
Quele ochiadine tenere,
4Che ti ghe dà a Tonin.
Come xe mai possibile,
Come se pol mai dar,
Che'l solo amor platonico
8Te fazza delirar?
Son fora d'ogni dubio:
Ti ga donà el to cuor;
Te vedo tropo in estasi
12Per sto movelo amor.
Apena, sì volubilè!
Aperta el t'à vardà...
Odio! par impossibile!
16Da mi ti à desertà.
Perchè tante mignognole?
Dimelo, via, perchè?
Perchè mai tanti spasemi?
20Qualche rason ghe xe...
Ti pianzi?.. ah, sì, vergognite
D'aver quel cuor in sen...
Va pur, va là, destrighite,
24Va in brazzo del to ben.
Xe tre meseti a pilego,
Che Amor, quel Dio crudel,
À fato, che te esamina,
28E che te trova un miel.
Ma un miel vegnù da Ircania,
Che in bota à fermentà,
Che deventà xe un tossego
32Dei pezzo che se dà.
Ti geri alora un anzolo,
Ti geri un zensamin,
Adesso ti xe un diamberne,
36Ti ponzi più d'un spin.
Ma fa quel, che te comoda,
Chè lo farò anca mi;
Sto cuor sarà de Nomola
40Più bela assae de ti...
Ti pianzi?... ah, sì, vergognite
D'aver quel cuor in sen...
Va pur, va là, destrighite,
44Va in brazzo del to ben.