Salta al contegnùo

Nina mia, son fato vecchio

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Nina mia, son fato vecchio

 Edission original:   

Lodovico PastòPoesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822

 Fonte:

Indice:Poesie edite ed inedite de Lodovico Pastò venezian.djvu

Edission e fonte ▼

[p. 92 modifica]

CANZON.

Nina mia, son fato vechio...
     No, ti disi? cara tì,
     Tarda un poco mo sto spechio
     4Lu me dise un bel de sì.
E po, via, perchè rason,
     Che sia vechio te despiase?
     Se anzi mi son contenton,
     8Sta segura, date pase.
Se a chi è vechio d'esser tal

[p. 93 modifica]

     Ghe xe noto veramente,
     L'esser vechio no xe un mal,
     12Anzi un ben precisamente.
La vechiezza, Nina mia,
     Xe da tuti rispetada,
     Xe da tuti compatia,
     16Xe da tuti carezzada.
Se mai casca un zerbinoto,
     Ognun ride, e lo minchiona,
     Se al'oposto el xe un vechioto,
     20Lo compianze ogni persona.
La se vede ogni momento:
     Se ghè un vechio fra la zente,
     De chi è 'l primo complimento?
     24Del bon vechio certamente.
Ti dirà, ma tuti nò,
     No i xe tuti rispetai;
     Mi li vedo, mi lo sò,
     28Se ghe n'è de sbufonai,
Sbufonai? ma quai? di' sù:
     Ouei, che mai vol far giudizio,
     Che no vol fenirla più,
     32Che crepar vol col so vizio.
Oh, se fusse talequal,
     Te daria rason sul sodo;
     Ma sicome no son tal,
     36Dime vechio, chè me godo!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Nina_mia,_son_fato_vecchio&oldid=52085"