Nina andemo al Redentor

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto. No xe stà indicà l'edission cartacea da cui vien el testo.
Nina andemo al Redentor

 Edission original:   

nissuna edission indicà

 Fonte:

http://www.musicandovenezia.it/italian/canzoni/nina_andemo_al_redentor.html

Edission e fonte ▼

Vien da basso Nina mia
che xe festa al Redentor,
vien co mi che andemo via
fora al fresco a far l'amor.
Là ne speta 'na barcheta
su la riva del canal
vien co mi bela Nineta
che andemo al bacanal.

Senti senti che frescheto
su la barca se sta ben
cantussando un motiveto
co ti Nina sul mio sen.
Su la barca se va via
soto el ciel tuto stelà.
Che serata Nina mia
me fa proprio inamorar.

Ti xe un cocolo de tosa
questa sera col to scial
ti profumi d'erba rosa
che me sento vegnir mal.
Ti xe bela, ti xe cara
Nina mia ti xe un amor,
una perla tanto rara
o Nineta del mio cuor.

Senti senti che frescheto
su la barca se sta ben
cantussando un motiveto
co ti Nina sul mio sen.
Su la barca se va via
soto el ciel tuto stelà
e po' dopo canteremo
viva viva el Redentor.

Su la barca se va via
soto el ciel tuto stelà
e po' dopo canteremo
viva viva el Redentor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Nina_andemo_al_Redentor&oldid=42539"