Mistica

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Neve e amor Edission e fonte ▼ A Venezia  →
[p. 83 modifica]
MISTICA



La gera bionda, bionda come 'l mar
                    Soto un tramonto d'oro;
Se sentiva nel canto suo scherzar
                    4De rusignoli un coro.

Splendeva ne i so' oci el senso arcan,
                    Dolçe del firmamento,
Ghe portava dei basi da lontan
                    8De l'orïente el vento.

El mar ninava1 el so' sogno d'amor
                    Co un'intima dolçezza:
El sol scaldava el so' zovene cuor
                    12Co un'infantil carezza.

Le stele che sluseva su nel çiel,
                    In alto l'atirava;
La luna, col nebioso e bianco vel
                    16A l'anema parlava.

*
* *

....In una note nera, malinconica,
                    El vento ga ruzà,2
E el mar, el queto mar, fato teribile,
                    20Orendo, el s'à inrabià3.

[p. 84 modifica]


El sol, el zorno dopo, nel çiel limpido
                    Sul mar s'à levà su....
Da quela note in çiel 'na fulgidissima
                    24Stela ghe xe de più!...




  1. ninava = cullava.
  2. ruzà = ruggito.
  3. el s'à inrabià = montò in collera.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Mistica&oldid=60177"