Me magnarave dal velen che go

by Gian Giacomo Mazzolà

3 XXXVIII I cavei de Nina XXXVII XXXIX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXXVIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXXVII

Edission e fonte ▼

XXXIX  →

XXXVIII

Me magnarave dal velen che go,
     Sentì, sentì quanto son stà minchion:
     Trovo Amor, che dormìa drento a un machion;
     4Pian pian ghe salto adosso, el zuffo, e po

Ghe digo: Eh no gh'è scampo qua baron;
     Ti m'è cascà in le sgrinfe! Adesso mo
     Tiòme in bota dal cuor sta Coa, se no
     8Te mazzo al corpo... al sangue... al cospeton...

Son qua, el ziga, pietà, si son qua, el cria,
     Pianze, me fa promesse d'ogni sorte;
     11Bambin, ghe credo, el molo, e 'l svola via;

E sgolando el me dise: Eh, cordonazzo,
     Far quel servizio no te pol che Morte.
     14Ah! che se 'l cuco più subito el mazzo!