Maridarve, sì, volè?

Da Wikisource
Jump to navigation Jump to search

<dc:title> Maridarve, sì, volè? <dc:creator opt:role="aut">Lodovico Pastò</dc:creator> <dc:date>1822</dc:date> <dc:subject>Canzonete</dc:subject> <dc:rights><a href="http://creativecommons.org/licenses/by-sa/3.0/deed.it">CC BY-SA 3.0</a></dc:rights> <dc:rights><a href="http://www.gnu.org/copyleft/fdl.html">GFDL</a></dc:rights> <dc:relation>Indice:Poesie edite ed inedite de Lodovico Pastò venezian.djvu</dc:relation> <dc:identifier>//vec.wikisource.org/w/index.php?title=Maridarve,_s%C3%AC,_vol%C3%A8%3F&oldid=-</dc:identifier> <dc:revisiondatestamp>20160303153705</dc:revisiondatestamp> //vec.wikisource.org/w/index.php?title=Maridarve,_s%C3%AC,_vol%C3%A8%3F&oldid=- 20160303153705

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Maridarve, sì, volè?
1822
Edission e fonte ▼
[p. 35 modifica]
RISPOSTA DEL AUTOR

A UNA REGAZZA

Che lo avisa de aver pensà de Maridarse.

CANZONETA.


Maridarve, sì, volè?
     Marideve pur condio;
     Ma no so se vu sapiè,
     4Che intrigheto sia el mario.
Se 'l xe vechio, el xe sustoso,
     Nol ve lassa mai de pesto,
     Fin del gato el xe geloso,
     8E un tormento in tuto el resto.
Se 'l xe zovene, e ben fato,
     Ma arlevà ala sbandierona,
     Cole bele lu fa el mato,
     12E nol bada ala parona.
E se'l xe tropo prudente,
     Se 'l xe tropo casalin,
     Lo gavè sempre darente
     16A tetarve in tel martin.
Me dirè: ma ghe ne vedo
     Qualchedun senza eccezion.
     Sarà vero, lo concedo;
     20Ma el xe raro sto bocon...

[p. 36 modifica]

Sì, v'intendo, volè farla,
     Fela pur; ma procurè,
     Cara vu de no falarla,
     24Chè per sempre ve burlè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Maridarve,_sì,_volè%3F&oldid=52408"