Mai fica marangon tante brochete

by Maffio Venier

4 Mai fica marangon tante brochete Maffio Venier XVI Soneti Indice:Scherzi poetici di vari celebri autori italiani e veneziani.djvu Altra edizion: Comparazione di pene in amore (1817)

Maffio Venier

Mai fica marangon tante brochete

XVI secolo

Edission original:	Giovanni Battista Casti, Scherzi poetici di vari celebri autori italiani e veneziani raccolti da G.B.C., Venezia, Tip. Molinari, 1834
Fonte:	Indice:Scherzi poetici di vari celebri autori italiani e veneziani.djvu

Edission e fonte ▼

Altra edizion: Comparazione di pene in amore (1817)

     Mai fica marangon tante brochete,
Nè barbier tagia mai tanti cavei,
Nè triper tagia mai tanti buei,
4Nè scaleter fa mai tante scalete;

     Nè miedego à ordenà tante ricete,
Nè filatoio a bù tanti rochei,
Nè tanti drappi à vendù mai i Ebrei,
8Nè sartor cusio mai tante stofete;

     Nè pedanti dà mai tanti cavai,
Nè spicier fato mai tanti siropi,
11Nè nodar scriti mai tanti strumenti;

  Nè in Muran fati mai tanti orinai,
Nè in mile case ghe xe tanti copi,
14Quanti ò per vu, cuor mio, pene e tormenti.