Luna di settembre
|
Edission original: |
Collezione delle migliori opere scritte in dialetto veneziano, Volume primo: Poesie di Anton Maria Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 1.djvu |
| Edission e fonte ▼ |
Proprio un azzal xe el cielo,
Un spechio el mar tranquilo,
L'aria no move un filo,
4Xe moderà el calor.
La Luna, come brasa
Nata dal mar là in fondo,
De secondo in secondo
8Scolora el so rossor.
Eco, color de l'oro
La par in sto momento,
Eco, la par d'arzento;
12Ecola a dominar.
Scampa dal ciel confuse
Le più brilanti stele,
Che d'esser manco bele
16Le stenta a tolerar.
Dal mar la se fa spechio,
La fissa el viso belo;
E 'l mar un altro cielo
20Se vede a comparir.
Ste rive, ste vignete,
E quanto se presenta,
Tute le se inarzenta,
24Le gode al so aparir.
La luse, che modesta
La manda su l'ogeto,
Fa che ne resti in peto
28Qualcossa da bramar.
Crearse in un tal stato
Pol l'anima sicura;
Più bela la Natura
32La so' creatura amar.
Radopia, o cara Eurila,
Sto portentoso incanto,
Toca quel'arpa, e al canto
36Unissila d'Amor;
Cintia te lo domanda,
Che benchè casta anch'ela,
D'Amor la fiama bela
40Un dì à scaldà el so cuor!
Varda! el so ragio adesso,
Xe adesso sul to peto!
Un amoroso afeto
44No te se svegia in sen?
De mi no parlo, o cara,
Che inutile xe ogn'arte,
Gnente no so ispirarte....
48E pur, mio caro ben,
Pur te amerò costante....
Ma qual incanto novo?
In mi più no me trovo...
52Ti è un paradiso, sì...
Co' apassionae ste voci!
Da che armonia interote!
Dopo una de ste note
56Che se vergogni el dì.