La terapia del zorno
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El medego da buganze | Edission e fonte ▼ | I faloponi → |
LA TERAPIA DEL ZORNO
Sia benedeta la moderna scola
De medicina, che in qualunque mal
La rispeta la vena a l’anemal
E Cipro e vovi la ghe porta in tola.
Se tuto in t'un ghe manca la parola,
E capita su el prete col feral
Per schiarirve la strada sepolcral,
La xe pronta a rostirve la brisiola.
Prodiga più dei Greci e dei Romani
Che ve meteva in boca el biscotin,1
La ve sgionfa de tordi e de fasani.
E rivando a l'Inferno a panza piena,
Se core al so destin tuti contenti:
Barba Pluton pol sparagnar la cena.
- Note
- ↑ Una moneta per Caronte, e un pezzetto di focaccia per il Cerbero.