La striga galante (1875)
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← La Venere de stuco | Edission e fonte ▼ | El sposo → |
LA STRIGA GALANTE.
Sta zingana più negra del carbon,
Più sutila d'un scheletro d’ombrela,
Che mena a pascolar la so vedela
O va sola de note a sdrondenon,
Zogando a Ciara mata sul balcon,
La ve se buta da sta banda o quela,
La cuca e ride, la ve fa la bela
Voltizando1 col naso a peveron.
Mi no ve digo ch’una cossa sola:
Che son goloso, e no fenisso mai
De curar fin a l'osso la brisiola;
Ma se i me da una quagia tropo frola,
Una renga, o un paneto da soldai,
Vardo se ghe xe 'l can soto la tola.
- Note
- ↑ Girando qua e là.