La Volpe e l'Ua
|
Edission original: |
Molena Spinacarpio, Bordizàndo, rime veneziane, Venezia, 1903 |
|
Fonte: |
Indice:Spinacarpio Moléna, Bordizàndo, rime veneziane, Venezia, 1903.pdf |
| ← La riflessión de Sior Momi | Edission e fonte ▼ | El diféto xe nel mánego → |
La Volpe e l'Ua
La volpe che no ga podúo, saltando,
arivár su una pergola a la úa,
çercava consolarse in sù vardando
e dixendo ogni tanto: la xe crua!
E istesso, chi no gà possúo rivàr,
dixe che tor mugér xe un bruto afàr;
per conto mio, de sta opinión no so':
ghe n'avaría, magári, tolte dò.