La Fenice (1817)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La Fenice
XVIII secolo
Edission e fonte ▼
Altra edizion: La Fenice (1845)
[p. 28 modifica]
LA FENICE.


Chi dise per vogia,
     Cussì, de viazar;
     Chi dise per boria
     Per farse amirar.
5La bela Fenice
     L'Arabia felice
     Scorendo in tre dì,
     De bel mezzodì,
     S'à un zorno trovà...
     10Sau dove-mo?... a Stra.
Baucando per aria,
     Soleta, a pian pian,
     L'andava su a Padoa:
     Savè che a sta man,
     15Pisani-Moreta
     Ga un bosco. Stracheta,
     La dise: Sior si,
     Fermiamoci qui!
     E un carpano ochià
     20La se gh'à sentà.

[p. 29 modifica]

La Fama, petègola
     Per genio e mestier,
     L'à fato ai volatili
     In bota saver.
     25Cigando in francese
     La scote 'l paese:
     Oiseaux mes amis,
     La reine et ici!
     La lengua i la sa;
     30S'à tuti afolà.
El ramo d'un albero
     Se fita un zechin;
     L'impresa de l'arzere
     L'à tolta Manfrin;
     35I oseli se schiera
     A miera e miera
     Co i coli, cussì!
     Che i par tanti I,
     Col beco impirà,
     40Co l'ochio incantà.
Vardandola, atonito,
     Diseva 'l Paon:
     Va al diavolo, invidia,
     Cedemo, Giunon!
     45Quei ochi? xe stele!
     Le pene? candele!
     Che Sol? no, per dì...
     Quel beco fa 'l dì!

[p. 30 modifica]

     Quel zufo dorà
     50L'à Giove spuà!
Fenice, de l'Iride
     Sorela magior,
     Dì, quel che te sfiamega
     Xe 'l fogo, o color?
     55Aplaude, fa eco
     Co tanto de beco,
     Col falelolì,
     Col ciricicì,
     Oseli de qua,
     60Oseli de là;
Ma quando po in musica
     Soave, gentil,
     La modula un: Grazie!
     La par un avril!
     65El Rossignol stesso
     Ah! (dise) 'l confesso,
     Son vinto! Sentì
     Che trilo in bemì!
     Che bel elafà!
     70Son proprio copà!
Belezza adorabile,
     Celeste virtù,
     Va là che ti meriti
     De no morir più!
     75I osei ciga in fola,
     Co tanto de gola:

[p. 31 modifica]

     Che morte? mentì...
     La torna pipì
     Sul rogo impizzà;
     80Le celeghe 'l sa!
Ma in mezzo a sto aplauso
     Che xe general,
     Sospira la tortora,
     Ingenua, leal.
85Se acorze, e smanioso
     Ghe dise 'l so sposo:
     Ti susti, Bibì?
     La invidistu, dì?
     Perchè stastu là
     90Col beco cascà?
Risponde al rimprovero
     La tortora: Oibò!
     Pensava che... (Viscere...
     Invidia? mi no)
     95Che de la so razza
     L'è sola, gramazza!
     Che almanco po mi
     Son sempre co ti!...
     No minga per... Ma...
     100No fala pecà?
Quel merito in isola
     Che spesso invidiè,
     Ve cava le lagreme,
     Se lo esaminè.

[p. 32 modifica]

105Tra i beni gh'è queli
     Ch'è megio, fradei,
     Averli a demì.
     No so se capì
     El gusto che ga
     110Chi gode a mità!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_Fenice_(1817)&oldid=67432"