L'arivo del vapor

by Felice di Giuseppe Venezian

4 L'arivo del vapor Felice di Giuseppe Venezian XIX Canzonete triestin

Indice:Trieste vernacola.djvu

Felice di Giuseppe Venezian

L'arivo del vapor

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

L'ARIVO DEL VAPOR.

Xe tre ani che combato
Imbarcado sui vapori,
Ma lontan, el mio paese
No me scordo, e i veci amori.

Tante volte son in vista
Del Giapon e dela China,
E te vedo, Gigia, in sogno,
Andar su per Madonina.¹

     Deghe drento, deghe drento,
     Se sfadiga, ma se va;
     Vegnarà quel gran momento²
     Che a Trieste se sarà.

Assai roba go za visto,
E la Grezia e la Turchia,
Inghilterra, Spagna, Egito,
E Brasil e Barbaria.

E la gente cola coda,
Abissini, Mori, Indiani,
Papagai in mezo ai boschi
Ciacolar che i par cristiani.

     Deghe drento, deghe drento,
     Se sfadiga, ma se va;
     Vegnarà quel gran momento
     Che a Trieste se sarà.

Ma lontan, in cavo al mondo,
Sempre a mente me vegniva,
El mio ziel, le mie montagne,
De San Bortolo la riva.³

Là su e zo per la marina
Cole stele se parlava,
De passion i rusignoi
Sora i alberi trilava.

     Deghe drento, deghe drento,
     Se sfadiga, ma se va;
     Vegnarà quel gran momento
     Che a Trieste se sarà.

Dài,⁴ compari benedeti!
No lassè morir la fiama!
No sentì che la mia bionda
La xe stufa, la me ciama?

E ti, atenta ala lanterna,
Sta a spetar del molo in zima,
Sventolando el fazzoleto,
Che te vedo un'ora prima.

     Deghe drento, deghe drento;
     Se sfadiga ma se va;
     Vegnarà quel gran momento.
     Che a Trieste se sarà.

---

Note

1. Andar su per Madonina, si intende salire a via della Madonnina: una delle strade dei rioni popolari di Trieste
2. vegnarà quel gran momento.... La polizia austriaca, nonostante i suoi occhi d'Argo, non si accorse dell'allusione politica, e lasciò correre il testo della canzoncina. Il ritornello, durante la guerra, in Italia, fu stampato sulle cartoline illustrate. Quel gran momento, venne il 3 di novembre del 1918. Ma il povero Venezian, che l'aveva vaticinato, già da 22 anni dormiva sotterra.
3. de San Bortolo la riva, San Bortolo era il nome antico della spiaggia di Bàrcola presso Trieste
4. Dài! su, orsù!