I feriti

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora bisogno de qualche sistemada. No xe stà indicà l'edission cartacea da cui vien el testo.

Antonio Pilot

I feriti

1917

Edission original:	nissuna edission indicà
Fonte:	http://www.dfstermole.net/piccio/testi.html#s20

Edission e fonte ▼

(10 Luglio 1917)

     I feriti! I feriti! in fondamenta
Da ogni parte i putei coro a vardar;
La barca adasio, come sonolenta,
4Passa in silenzio.... Gh'è de teste un mar

     A le finestre e sui pontili; stenta
Qualchedun le so lagrime a frenar
E sempre adasio la barca va, lenta,
8Mile cuori façendo palpitar.

     Povareti! se sente Povareti!
El sol de Lugio ilumina la scena,
11Tuta amor e carezze; el gondolier

     Sosta col remo, mentre i vaporeti
Ferma la corsa avanti a tanta pena
14Dove ogni mama fissa el so pensier...