El viazador

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El viazador
1828
Edission e fonte ▼

Dovea andar a Venezia un contadin,
e per no farse credar babuin,
sicome nol ghe gera mai più stà,
de tor el s’à pensà
5su quel paese qualche informazion.
Fra l’altre cosse un vechio so compare
l’ha messo in avertenza,
che i barcarioi parlando
dopara sempre in ao la desinenza.
10Eh! Lassa far a mi,
savarò regolarme. In fati un dì
avendo vogia de passar tragheto,
e vedendo el batelo a l’altra riva
el se mete a zigar: “Barcarolao,
15vegnì de quao, che voi passar de lao”.
“Vara là, che squartao.
Vilan cagadonao!”
ghe responde de bota el barcariol
rabià come una bestia!
20Ma lu no se scompone, e contenton
el pensa invece, che gavea rason
quelo che gavea dà l’informazion.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_viazador&oldid=41694"