Sia benedeto el zorno
Che mi t'ò visto, o Nina,
E che de mi vicina 4Cara ti t'à sentà.
Me lo ricordo ancora,
Sempre me par, ben mio,
Che no sia mai spario 8Quel benedeto dì.
Ti geri ben vestia,
Vestia come da festa,
E ti gavevi in testa 12Un bocolo d'amor;
Ma in sen come sul trono
Te stava quel fioreto,
Che simbolo xe schieto 16De la semplicità.
Quel zensamin, Nineta,
Vardandolo m'à dito;
No stago qua in sto sito 20Senza el mio gran perchè.
La Nina m'à prescielto
Fra mile e mile fiori,
Perchè mi più de lori 24Somegio al so bel cuor.
