El ramo
|
Edission original: |
Molena Spinacarpio, Bordizàndo, rime veneziane, Venezia, 1903 |
|
Fonte: |
Indice:Spinacarpio Moléna, Bordizàndo, rime veneziane, Venezia, 1903.pdf |
| ← Da l'ombra al sol | Edission e fonte ▼ | La Medúsa → |
Mi gero stanco morto int'una strada
e me volevo dár uná sentáda:
ma no gaveva proprio da viçin
che un ramo che sortiva da un giardín.
E mi go dito: Ramo, ramo mio,
ramo, bel ramo cussì ben fiorio,
me lássistu pusár sora de ti?
E lu, pietoso, m'à risposto: Si.
Ma pena che de sora m'ò pusá,
quel malegnaso ramo el s'à spacà:
el se m'à proprio spaca in mezo e zό...
semo finídi in tera tuti do.
Ah, can de ramo, ramo maledeto!
go dito alóra mi, pién de dispéto,
ti m'à lassà pusár sora de ti
per torte po' anca bágolo de mi!
Ma el ramo m'á risposto co' disgusto:
El to dispéto, caro, te fà ingiusto;
ti, pusándote a mi, ti xe cascà,
ma xe per ti che mi m'o 'ssassinà.
No xe vero, letór, che afár istesso
lo femo co' le done molto spesso?